المكرونة بدون سلق , طريقة عمل المكرونة بدوق سلق , طريقة جديدة لعمل المكرونة

المكرونة بدون سلق , طريقة عمل المكرونة بدوق سلق , طريقة جديدة لعمل المكرونة

السلام عليكم ورحمة الله وبركاتة

اليوم سيدتى قمت باحضار طريقة جديدة وسهلة لعمل المكرونة بدون سلق

المكرونة بدون سلق , طريقة عمل المكرونة بدوق سلق , طريقة جديدة لعمل المكرونة ,

طريقة تحضير المكرونة , تحضير المكرونة بدون سلق , مكونات عمل المكرونة

ايه  رايك بقي ان المكرونة بالطريقة  دي اطعم والذ  كتير من الطريقة التقليدية اللى متعودين عليها المعتمدة على سلق المكرونة في ماية و ملح و بعدها نضيف الصلصة .. جربيها و مش هتستغني عنها

هاتي نص كيلو مكرونة اي نوع تفضليه و طبعا الكمية تقدري تزوديها او تنقصيها حسب عدد افراد الاسرة اللي هياكلوا .
بصلة مبشورة
صلصة حسب الرغبة
ملح و فلفل
زيت
كوبايتين ماية
فصين ثوم مفرومين

الطريقة
هاتي حلة او طاسة كبيرة و عميقة .. و حطي الزيت و شوحي فيه البصلة لحد ما تدبل , متسيبش لونها يغمق
ضيفي الثوم  و شوحيه بعد ما البصل يدبل .. متحطيهوش مع البصل في نفس الوقت لان الثوم بيتحرق بسرعة .
حطي الصلصة و ضيفي شوية ماية صغيرين ..
و تبلى الخليط  ده بالملح و الفلفل و اي بهارات تانية تحبيها ..
سيبيها تغلى 3 دقايق ,, و بعدها ضيفي بقيت الماية و اديها اول غلوه ,,,
و بعدها ضيفي المكرونة بتاعتك ..
لازم وانتي بتحطي المكرونة تكون الماية او خليط الصلصة بتاعتنا بيغلى بالفعل ..
غطي عليها ,, و قلبيها كل شوية ,, و لو الماية نشفت و مكنتش المكرونة  استوت تماما ضيفي شوية ماية صغيرين بالتدريج زي ما بنعمل مع الرز بالظبط لما نيجي نســويه .
وقبل ما الماية تنشف و المكرونة  تقرب تستوي هدي عليها النهار زي برضو ما بنعمل مع الرز ..
طبعا في ناس بتحب تعملها بالفلفل الالوان و ناس بتحب يبقي فيه قطع طماطم , و ناس بتحب تضيف الجزر او الكوسة .. كل الحاجات دي متاحة ليكي على حسب ذوقك ,, بس فكرة الاكله كلها ان المكرونة متسلقتــش و اترمت ماية السلق بتاعتها ,, لكن استوت منها فيها و المادة النشوية اللي بتبقي موجودة في المكرونة  و تنزل في ماية السلق دي قد ايه مهمة ومفيده و كمان بتدي طعم حلو لما تتعمل بطريقتنا دي
لما تستوي قدميها لافراد اسرتك و بالهنا و الشفا